Քանդակագործության միջազգային փառատոնի օրերին՝ հուլիսի 8-10 Երաժշտության կենտրոնի դասավանդողների և լրացուցիչ կրթության սովորողների 19 հոգանոց նախագծային խումբը գտնվում էր Սևանի «Ժայռ» ամառային ճամբարում: Ճամփորդությանը նախորդող մտահոգությունն ու անհանգստությունը Սևան հասնելուն պես անմիջապես անհետացավ, փոքրումեծ գտան իրենց զբաղմունքը և անցան գործի: Համատեղ ուսումնական նախագծերին որ պետք է իրականացվեին ավագ դպրոցի «Մուտք» ճամբարի հետ ավելացան նաև համատեղ կենցաղային նախագծերը՝ միասին պատրաստելու, միասին ուտելու, միասին ապրելու մշակույթը: Ուրախ, թեթև, ուսումնական, համերաշխ, բացահայտումներով լի երեք օր: Ես չեմ ուզում գրել Սևանի մասին, որ սիրտ էր ճմլվում երբ նայում էի, չեմ պատմի երգով-ծեսով, ծիծաղով, հումորով, զավեշտական պատմություններով հագեցած մեր երեք անմոռանալի օրերի մասին: Մեծ ձեռքբերում է կենցաղային ոչ այնքան սովորական պայմաններում հայտնված, տարբեր իրավիճակներում մարդկային հատկանիշների բացահայտումները՝ Լիլիթի, Մաթևոսյան Հասմիկի իրենց սովորողների հանդեպ հոգոտարությունը, Գրիգորյան Հասմիկի և Աննայի խոհարարական շնորհի, Սեդայի ուրախ, ժպտերես բնավորությունը, Մարինեի նվիրումը գործին: Փոքրերի՝ Անի և նարե քույրիկների ինքնուրույնությունը, Կարենի ակտիվությունը ԱԻՆ- աշխատակիցների առաջին օգնության պարապմունքին, Լևոնի լուրջ դիտարկումները, Անժելայի, Մինասի պատրաստակամությունը…
Համատեղ կյանքի երեք՝՝ միմյանց հասնելու, հասկանալու, ճանաչելու, օգնելու, գնահատելու, զիջելու լավագույն ձեռքբերումների օրեր:
Փառատոնային ճամբարի առաջին օր-Հասմիկ Մաթևոսյան
Ճամբարի երկրորդ օր-Սեդա Թևանյան
Անձրևաբեր ծես Սևանի ափին-Հասմիկ Գրիգորյան
Փառատոնային ծիսական ճամբար Սևանում-Աննա Երիցյան
Ազգային ծիսական օպերա ՝«Անձրև, անձրև, ցած արի»-Մարինե Մկրտչյան
Անտիվիրուս Սևան- Լիլիթ Առաքելյան
Անի Կարապետյան-լրացուցիչ կրթություն
Տպավորություններ Սևանից-Կարեն վարդանյան
Ուղիղ եթերները՝ Նունե Մովսիսյանի
Երաժշտության ուսումնական կենտրոն 